Gipanghisgutan karon sa social media ang usa ka post ni Trish Chang kabahin sa usa ka amahan nga nangayo ug tabang alang sa iyang tulo ka anak.
Ang labing bata bag-o pa lang, 2 ka bulan ang edad, gisundan sa 1 ka tuig, ug ang maguwang 11 anyos ang pangidaron.
Sumala sa post, wala na ang inahan sa mga bata human sila gibiyaan sa iyang asawa.
Dugang pa, gipasabot nga ang amahan adunay igsuon nga nagpuyo dire sa Dakbayan, apan wala kini kahinumdom kung asa kini nagapuyo.
Ang maong post nakadawat ug lain-laing reaksyon sa mga netizens.
Sa pikas bahin, gibutyag sa kapitan sa SIR nga si Kap. Robert Olan-Olan nga mga scammer ang nahisgutang pamilya.
Dugang pa sa kapitan, kaniadto, nangayo na kini sila og tabang sa laing rason, gibiyaan kuno sa ilang misis ug nagkinahanglan og pamasahe pauli sa Cagayan.
Gihatagan kini og P5,000 isip tabang ug gihangyo pa ang manager sa bus terminal aron lamang makapauli paingon sa Cagayan ug giakomodar pinaagi sa paghatag og tuluganan ug pagkaon.
Apan, pagabot sa adlaw nga sila papaulion na, kalit matud pang nahanaw ang mga nahisgutan.
Gani, gihatagan sab matud pa kini og P5K sa usa ka opisyal.
Kahinumduman usab miadtong nilabayng semana Marso 1, adlaw Sabado, ning tuiga, miadto kini sa atoang sibyaanan nangayo og tabang.
Ang inahan ang miadto niadtong tungura, apan sa ilang giingon nga sumala pa nga gibiyaan sila sa amahan sa ilang mga anak sa terminal human nakatulog matud pa ang 11 anyos nga anak niining naggunit sa ilang bag diin gibutang ilang kwarta.
Apan, nalahi og kalit ang pahayag niini human ang mismong amahan matud pa ang misikpaw sa kwarta.
Gihatagan nato sila og hinabang ug nakig-coordinate sa lain nga makatabang aron makapangita og dugang nga suporta alang kanila.
Ubay-ubay na sab nga mga media entity ang ilang nailad sa ilang modus rason nga nakig-alayon ang tanan aron marescue ang mga menor ug manubag ang mga ginikanan nga gigamit ilang mga anak sa pagpanglimbong.
Karon, wala pay klarong kasayuran kung unsa ba gyud ang tinood nga kahimtang sa maong pamilya.
Sumala pa sa kapitan nga importante ang pagpakabana, apan kinahanglan una susihon ang tinuod nga istorya sa mga nangayo og tabang aron malikayan ang biktima sa pagpangilad.
Samtang padayon ang diskusyon sa social media, daghan ang nanghinaot nga maklaro ang sitwasyon sa maong pamilya ug mahibal-an og tinood ba silang nanginahanglan o kabahin lamang kini sa pagpangilad.
