DAVAO CITY – Plano karon nga mopadangat sa ilang reklamo ngadto sa korte suprema ang pamilya sa nanag-iya ug mga resorts sa Samal Island kini aron nga iduso ang Writ of Kalikasan kini aron pugngan ang Davao City-Island Garden City of Samal (IGACOS) bridge project kini kung ipadayon sumala pa nga dili hatagan ug pagtagad ang ilang apela nga isibog ang “landing site” aron ma-protektahan ang marine life sa lugar.
Sumala pa kang Atty. Julito Sarmiento, chief executive officer ug founder sa Climate Change Adaptation Resettlement Earth (CARE) Commune, ang pagduso ug writ ang ulahi nga opsiyon sa pamilyang Rodriguez nga nanag-iya ug resort.
Gikanayong ang maong lakang usa ka legal nga remedyo nga mohatag ug proteksiyon sa constitutional right sa katawhan aron pabilin nga mapanalipdan ang kinaiyahan.
Gikanayong nakig-negosasyon na ang pamilya sa Department of Public Works and Highways (DPWH) ug Hong-Kong-based consultant Ove Arup aron nga makumbinse nga ibalhin ang landing site.
Nasayran nga gipili sa Ove Arup ang Paradise Island Park Beach Resort ingon man ang Costa Marina Beach Resort nga susamang gipanag-iyahan sa pamilya isip landing site sa 3.98-kilometer bridge nga gikanayong dakong bahad sa marine life.
Ang nahisgutan nga tulay usa sa 75 big-ticket flagship projects ilalom sa “Build, Build, Build” program sa Duterte administration nga una ng naplanohan kaniadto pang tuig 1970.
