Pamasahe sa eroplano, gikatakda nga moasaka sa Abril

Mosaka ang pamasahe sa eroplano sugod Abril 1 hangtod 15, 2026, human gipatas-an sa Civil Aeronautics Board (CAB) ang fuel surcharge ngadto sa Level 8.

Ang mga domestic flights mosaka og ₱253 hangtod ₱787, samtang ang international flights mahimong mosaka hangtod ₱6,200 tungod sa taas nga presyo sa krudo sa global nga merkado.

Ang bag-ong singil sa domestic flights ipatuman sa mga tiket nga ang biyahe o na-book gikan Abril 1 hangtod 15, 2026.

Ang pagsaka sa pamasahe resulta sa pabag-o-bag-ong presyo sa jet fuel sa merkado, nga maoy hinungdan nga gipatas-an sa CAB ang surcharge gikan Level 4 padulong Level 8.

Gipasidan-an usab ang mga pasahero nga mag-book daan aron malikayan ang mas taas nga gasto sa umaabot nga bulan.