-- ADVERTISEMENT --
DAVAO CITY – Mokabat ngadto sa kinyentos mil ka pesos ang namugnang danyos sa pagkasunog sa merkado publiko sa Purok 5, Poblacion Mawab, Compostela Valley Province kagabii.
Nasayran gikan kang Police Inspector Francis Docdocan sa Mawab PNP nga misugod sa pag-ulbo ang kalayo alas 10:30 misugod sa pagsilaob ang sunog ug napalong lamang mga ala 1:00 ang takna sa kaadlawon.
Kalakip sa gilamoy sa kalayo mao ang mga carenderia, rice dealer outlets, sari-sari store, cellphone shop, ug agricultural products outlet.
Electrical short circuit ang nakita sa kabomberohan nga mao ang hinongdan sa pag-ulbo sa kalayo. Misugod sa pagsilaob ang kalayo sa carenderia sa usa ka Edie Pelanggoy.
