Hugot nga gibarugan sa Malacañang Palace nga wala gidownplay sa gobyerno ang kasamtangang sitwasyon kabahin sa pagsaka sa presyo sa lana.
Sumala kang Palace Press Officer Usec. Claire Castro, klaro nga walay krisis sa suplay sa petrolyo sa nasud; ang kasinatian karon mao ang price disruption tungod sa kagubot sa Middle East.
Gibutyag ni Castro nga gihimo sa gobyerno ang tanan aron masiguro nga dili magkulang ang suplay sa krudo, fuel, ug pagkaon.
Ang mga ahensya sa gobyerno sama sa Department of Energy (DOE), Department of Agriculture (DA), ug Department of Social Welfare and Development (DSWD) nakamonitor kanunay aron maghatag og tabang ug masiguro nga dili mabati sa katawhan ang kakulangon sa gikinahanglan.
Dugang pa sa Palace official, bisan pa man sa pagsaka sa presyo, gusto ipakita sa Pangulo nga kaya sa gobyerno nga protektahan ang katawhan.
Apan, miangkon si Castro nga dili malikayan nga maapektuhan ang Pilipinas sa krisis sa Middle East, busa nanawagan siya sa kooperasyon ug pagtigom sa mga kinahanglanon kon kinahanglan.
Sa pagkakaron, padayon ang paningkamot sa DOE ilalom sa pagdumala ni Sec.Sharon Garin aron masiguro nga walay kakulangon sa suplay sa lana sa nasud.
Gipaambit usab ni Castro nga adunay negosasyon karon ang DOE alang sa 440,000 barrels nga fuel ug 600,000 barrels nga lana nga posible pang maangkat sa nasud.
