Gisiguro sa gobyerno nga andam kini kung moabot ang “The Big One” o makasinati ang nasod og kusog nga linog.
Sumala ni Palace Press Officer USec. Claire Castro, halos tanang ahensya sa gobyerno andam na kung makasinati kita og grabe nga linog.
Gibutyag ni Castro nga gawas sa mga pagpangandam, nagpadayon usab ang impormasyon nga ipanghatag ug ang pagpatuman sa mga earthquake drill.
Nagtuo si Castro nga hinungdanon ang panagtinabangay sa tanan, labi na sa pagpakaylap og impormasyon kabahin sa pagpangandam sa linog.
“Sa ingon niini nga kahimtang, dili gyud nato matagna kung kanus-a kini mahitabo, apan mas maayo nga andam kita.
Kasagaran sa atong mga ahensya sa gobyerno andam na niini. Nagpahigayon kita og earthquake drill, fire drill, ug adunay andam nga mga ‘Go Bags,'” pahayag ni USec. Castro.
Gimanduan usab sa gobyerno ang mga lokal nga panggamhanan (LGUs) nga hugot nga magpatuman og inspeksyon sa mga building sa ilang mga lugar, magpahugot sa pagpagawas og building permits, ug masiguro nga lig-on ang mga tukoron nga building.
Ang pamahayag ni Castro maoy tubag sa nahitabong 7.7 magnitude nga linog sa nasod sa Myanmar.
