Pakistan gibaha, 46 natalang patay

Mokabat na sa 46 ka mga tawo ang kumpirmadong namatay tungod sa padayon nga kusog nga pag-ulan sa Pakistan.

Dul-an usa na ka semana ang walay undang nga pagbundak sa ulan, diin daghang residente ang nasamdan.

Kadaghanan sa mga namatay natala sa Khyber Pakhtunkhwa province, samtang daghang pamilya ang napugos nga mibakwit tungod sa kalit nga pagsaka sa tubig baha.

Nagpakita usab og kasuko ang daghang mga lumulupyo sa Pakistan tungod sa hinay nga pagresponde sa gobyerno sa kalamidad.

Sa laing bahin, gipahimangno sa National Disaster Management Authority (NDMA) ang mga molupyo nga nagpuyo duol sa mga suba nga kinahanglan na silang mobakwit, tungod sa posibleng mas grabeng kadaot nga ihatod sa padayon nga peligro sa panahon.