Gikabalak-an ni House Prosecution counsel Atty. Benjamin Tolosa ang pahayag ni Vice President Sara Duterte nga adunay giingong “bending the law” sa impeachment proceedings, tungod sa posibleng pagduda niini sa integridad sa proseso ug sa Impeachment Court.
Sumala pa, gikanayon ni Tolosa nga ang maong pahayag nagpasabot nga adunay mga paglapas sa balaod nga gitugotan kuno sa Senado ug sa presiding officer, bisan wala kini’y klarong basehan.
Gibutyag usab niini,nga hapsay ug patas nga gidumala sa presiding officer ang impeachment trial, nga matud pa niya, giila usab sa kampo sa depensa sa ilang mga unang pahayag. Dugang pa, gipasabot ni Tolosa nga anaa na sa pagbuot sa presiding officer kung unsaon pagtan-aw sa maong pahayag ni Duterte ug kung mahimo ba kini isip pag-atake sa integridad sa impeachment process.
Sa kasamtangan, nagpadayon ang impeachment proceedings samtang gipaabot ang sunod nga mga lakang sa Impeachment Court kalabot sa maong isyu.
