Posibleng matapos na sa Department of Agriculture (DA) ang gihimong pagtuon niini sa maximum suggested retail price (MSRP) sa karne sa baboy sulod sa duha ka semana.
Unang gisugdan ang pagtuon sa posibleng pagpatuman sa MSRP sa mga pork products sa kagustuhang mabantayan ang pagsaka pag-ayo sa presyo sa karneng baboy.
Gipahayag ni DA Secretary Francisco Tiu Laurel Jr., ubay-ubay nga mga hinungdan ang gikinahanglang ikunsedera sa team nga mihimo sa pagtuon, susama sa supply, presyohan, demand ug uban pang butang susama sa posibilidad sa profiteering ug ang pagmanipula sa presyo.
Kung ugaling adunay mapamatud-ang nahitabo nga profiteering, seguradong mupatuman ang DA ug MSRP.
Gikinahanglan usab matapos ang mga sunod-sunod nga konsultasyon sa tanang stakeholder sa pork industry aron masayran ang tukmang lakang.
Sa pagkakaron, mibalibad unang muhatag ang DA ug MSRP range samtang ginatun-an pa ang mamahimong epekto sa presyo ug kita sa mga nagbaligya ug karneng baboy.
