DAVAO CITY – Gisugdan na sugod kagahapong adlawa ang pagpatuman sa mga guidelines nga tumong ang pagpatuman ug physical distancing sa mga establisyemento human nga nasubay nga sagad sab mahitabo ang transmission sa corona virus sa mga trabahoan ngadto na sa tagsa-tagsa ka mga panimalay.
Gi-awhag ang mga pribadong sektor nga sagupon ang working arrangements sa Inter-Agency Task Force (IATF) ug Department of Trade and Industry (DTI) kalabot sa operational capacity.
Una ng mipagula si Vice Mayor Sebastian Duterte ug kamandoan kalabot sa alternative work arrangements sugod kagahapong adlawa Oktubre 26 hangtud na Disyembre 31.
Gitino niini nga kinahanglan kunhuran ang ihap sa mga indibidwal sulod sa mga buhatan ug establisyemento aron masiguro nga malikayan ang overcrowding, mass gathering, ug socialization. Himuon sab kini aron nga malikayan ang lockdown sa mga buhatan kini aron masiguro nga mapadayon ang operasyon sa mga buhatan sa gobyerno ingon man sa mga negosyo sa siyudad.
