Gipahibalo sa Department of Energy (DOE) ang mga bag-ong regulasyon nga nagmando sa mga distribution utilities nga ilakip sa ilahang development plan ang pagtukod og mga electric vehicle charging stations (EVCS) ug paspasan ang pagproseso sa mga aplikasyon sa mga operator niini.
Sumala sa Department Circular No. DC2025-08-0012 nga gipagawas sa ahensya, kinahanglan nga ipatuman sa grid planning sa mga utility companies ang panginahanglan sa EV charging, ug tapuson ang pagproseso sa aplikasyon sa mga EVCS providers sulod sa 20 ka adlaw.
Gihangyo usab sa DOE ang paggamit sa renewable energy alang sa mga charging station isip kabahin sa tumong nga maabot ang 35% renewable energy share sa nasod pag-abot sa 2030.
Dungan niini, gipasar usab sa DOE ang pagpasimple sa proseso sa sertipikasyon alang sa mga EV manufacturers, importers, ug dealers, ug ipahiuyon kini sa Vehicle Fuel Economy Labeling Program (VFELP) sa nasod.
Gipangunahan ni Energy Secretary Sharon Garin nga ang electric mobility nga usa ka mahinungdanong haligi sa estratehiya sa seguridad sa enerhiya.
