DAVAO CITY – Gilaoman sa lokal nga kagamhanan nga mahuman na ang konstruksyon sa Covid-19 laboratory ug Crematorium sa dakbayan sa Davao ayha paman mahuman ang bulan sa disyembre ning kasamtangang tuig.
Sumala sa pamahayag ni Mayor Inday Sara Duterte-Carpio nga ginapadali na niini nga ipahuman ang crematorium sa syudad aron mamahimo nga magamit gilayon kini.
Ang nahisgutan nga crematorium nahimutang sa Wireless Cemetery sa dakbayan.
Dugang sa Mayor nga kasamtangan gina proseso na sab ang mga papeles niini apan wala pa niya gitataw kung kanus-a ang petsa nga paga-abrihan ang nahisgutan.
Hinuon, anaa na sa 90 porsyento ang nahuman niini ug kasamtangan gina asikaso na ang uban pang kulang aron pormal na kining magamit.
Kalabot niini, gilaoman usab ni Mayor Inday nga mahuman na sab ang gigama nga laboratoryo sa Covid-19 nga gipahimutang sa Los Amigos, Tugbok district ning syudad. Gani kung mahuman na sumala pa ang nahisgutan nga pasilidad, mamahimo nga, ngadto na iproseso ang mga gikuha nga specimen nga swab test sa Covid-19.
Ang tumong sa maong laboratory aron ma usbawan ang gina proseso nga specimen sa Southern Philippines Medical Center (SPMC).
Apan gitin-aw sa Mayor nga wala pay pormal nga petsa kung kanu-a magamit ang mga nahisgutan
