Gimanduan ni Pang. Ferdinand Marcos Jr. ang Department of Public Works and Highways (DPWH) nga gilayong sulbaron ang kakulangon sa mga classroom sa tibuok nasud human makita nga 22 pa lamang ang natukod sa ahensya karong tuiga.
Sumala ni Palace Press Officer Claire Castro, gipa-imbestigahan na sa Pangulo ang hinungdan sa paglangan sa mga proyekto, samtang gimando si Secretary Vince Dizon nga maghimo og catch-up plan aron mapaspasan ang pagtukod sa mga eskwelahan.
Lakip usab sa mga lakang sa administrasyon ang pakig-kooperar sa mga local government units (LGUs) aron mapadali ang proseso sa konstruksyon.
Sa iyang pagpamulong sa Butuan City atol sa pagpresnta sa mga Patient Transport Vehicle, gikanayon sa Pangulo nga ipa-download sa mga LGU ang pondo alang sa pagtukod sa mga classrooms.
Gipasalig usab sa Malacañang nga kung adunay mapamatud-an nga kakulangan o kapabayaan sa mga opisyal, adunay manubag niini.
Samtang, may kalabutan sa panawagan ni Senator Bam Aquino nga ideklarang urgent ang Classroom Building Acceleration Program, gibutyag sa Malacañang nga wala pa madawat sa Office of the President ang kopya sa sugyot nga balaod, apan nagpabilin gihapon nga prayoridad sa administrasyon ang pagtubag sa kakulangon sa mga lawak-tun-anan sa nasud.
