DAVAO CITY – Gihikay na ang pagtaral sa mga kaso sa usa ka nadakpan nga gikatuohang kumander sa mga rebeldeng New People’s Army (NPA) nga nailang usa ka Leonilo Sumampong Gonzales, 44 anyos, sa gipoy-an niini sa San Roque, New Corella, Davao del Norte.
Sumala sa kapolisan si Gonzales dunay warrant of arrest gumikan sa daghanan niini nga kasong murder, frustrated murder, attempted murder, homicide ug sedition.
Gitataw sa kapolisan nga si Gonzales nabutang sa ilang top 2 international security operations watch-list city level. Migula sa imbestigasyon si Gonzales ang giila nga Kumander Banakon, ubos sa Pulang Bagani Command (PBC) 1.
Siya sab ang gitudlo nga responsabli sa pagpangataki sa kompanya, pagdagit sa lima ka mga pulis niadtong tuig 2016 ug pagsulong sa Panabo Police Station niadtong 2011.
Sa nahisgutan nga pagpanulong usa ka police ang napatay sa grupo ni Gonzales.
Bisan pa niini gipahayag ni Gonzales nga squad leader lamang siya sa PBC-1 ug niadtong 2018 mibulag na siya sa kalihukan sa mga rebeldeng NPA aron nga magpuyo nga malinawon.
