DAVAO CITY – Bisan nga wala pa gibutyag kung kanus-a ipatuman dinhi sa dakbayan sa Davao apan nagpakita na karon ug suporta ang City Council nga itugot na pagbalik ang backride sa mga motorsiklo.
Kahinumduman nga gi-arubahan atol sa gipahigayon nga sesyon ang usa ka resolusyon diin mipakita ug suporta ang mga konsehal ning siyudad nga ibalik ang back-ride sa mga motorsiklo, dili lang sa mga miyembro sa pamilya o sa asawa lakip na sab sa pagbalik niini isip mode of transportation.
Kahinumduman nga daghanan ang nanawagan nga ibalik ang backride sa motorsiklo sanglit kini ang naandan nga sakyan sa kadaghanan dili lamang sa mga miyembro sa pamilya kung dili lakip na sa mga lugar diin lisud nga makasakay ug mga pampublikong sakyanan.
Sukad nga gipatuman ang lockdown sa siyudad, usa sab sa pinakalisud nga nasinatian sa katawhan mao ang pagsakay sanglit kadaghanan sa mga PUJ ang wala gitugtan nga makapamasada.
