DAVAO CITY – Gipanghimakak sa Davao City Covid-19 Task Force ang pagtangtang sa facemask luyo sa migula nga report nga posibleng dili na magsuot ug face mas pagtapos karung tuiga ilabi na nga mahimo na lamang matud pa nga endemic ang covid-19.
Kahinumduman nga una ng gibutyag ni Vaccine czar Carlito Galvez Jr. nga ang mandato nga paggamit ug facemask sa open spaces ang mamahimo na nga tantangon sa ulahing quarter niining kasamtangan nga tuig.
Apan gikanayon ni TF spokesperson Dr. Michelle Schlosser ang pagpalu-ag sa minimum public health protocols kalakip na ang pagtangtang ug facemask dinhi sa siyudad ang dili pa applicable.
Nagtoo ang opisyal nga ang facemask mamahimong kabahin na sa “new normal”.
Hinuon ang pagpalu-ag sa restrictions sama sa mass gathering ug lifting sa Executive Orders (EOs) ang pagpangandam sa lokal nga kagamhanan paingon sa “new normal.”
Sa kasamtangan, wala pa nahisgutan sa Task Force ang kalabot sa nahisgutan nga lakang.
Subli sab nga gikanayon sa opisyal nga bisan anaa na sa “new normal” ang dakbayan sa umaabot nga panahon, dili pa gihapon angayan nga magpasagad sa pagtuman sa minimum public health protocols nga usa sa mga nahimong epektibo nga pamaagi aron nga malikayan ang halapad nga pagkatag sa infection nga hatud sa Covid-19.
