DAVAO CITY – Laraw karon sa lokal nga kagamhanan nga palig-onon pagbalik ang ekonomiya sa dakbayan hinungdan nga gipalu-agan niini ang pipila ka mga restrictions sa pagtangtang sa paggamit ug motorcycle barriers, plastic barriers sa jeepneys ug uban pang public utility vehicles (PUVs) ingon man ang paggamit ug face shields.
Naglaum si City Tourism Operations Officer Generose Tecson nga mamahimong responsable ug disiplinado ang mga dabawenyos sa pagtamud sa health standards bisan nga gipaluagan na ang restrictions.
Atol sa pagsugod sa pandemiya, usa sa mga lakang nga gipatuman mao ang paggamit ug plastic barriers aron nga mamentina ang kapasidad sulod sa public transport ug mapatuman ang social distancing sa mga pasahero.
Apan gibutyag ni Nonito “Dondon” Llanos III, regional director of the Land Transportation and Franchising Regulatory Board 11 (LTFRB 11) nga kinahanglan mo-obserba pa gihapon ang mga pasahero sa physical distancing bisan nga gitangtang na sa lokal nga kagamhanan ang plastic barriers sa public utility jeepneys (PUJs).
Kahinumduman nga sa gipagulang Executive order, himuon na lamang nga boluntaryo na lamang ang pagbutang ug barriers sa PUVs ug motorsiklo.
