Gikumpirma sa Philippine National Police sa Camp Crame nga gitanggal sa pwesto ang dosi ka mga ginsakpan sa CIDG, SAF, ug Traffic Enforcement Unit nga kaiban sa pakyas nga pagdakop kang Pastor Apollo Quiboloy.
Sa pamahayag sa kapulisan pinaagi ni spokepsrson P/Col. Jean Fajardo nga lakip sa gitanggal sa katungdanan ang PRO 11 Regional Director nga si PBrig. Gen. Aligre Martinez ug lakip ang iyahang
mga hepe sa Davao Region police, Directorate for Operations, ug Intelligence Group nga miresulta sa kapakyasan sa operasyon nga madakpan ang nagtago-tago nga pastor nga miuli sa kagubot ang pagsilbi sa arrest warrant sa mga propedad nga gipanag-iyahan ni Pastor Quiboloy human nga mibabag ang mga miyembro niini.
Nasayran nga si Gen. Aligre 49 pa lamang ka adlaw isip regional director sa rehiyon sukad nga nilingkod niadtong Abril 26 nga puli kang retired Gen. Alden Delvo.
Gikatakda nga karong adlawa pulihan si Martinez ni Brigadier General Nicolas D. Torre III, nga kanhing nadestino sa Quezon City Police District.
Samtang sumala ni PMaj. Catherine Dela Rey nga wala nay mahitabong turn-over of command ceremony karong adlawa.
