-- ADVERTISEMENT --
DAVAO CITY – Subli nga gipasabot sa otoridad nga mahinungdanon ang pagtamud sa health protocols ilabi na ang pagsuot ug facemask.
Tipik lamang kini human nga mamatikdan pa gihapon nga adunay pipila ka mga indibidwal nga wala nagtarung ug suot niini bisan nga anaa sa pampublikong lugar.
Hinuon mapasalamaton si Pol. Capt. Rose Aguilar, tigpamaba sa Davao City Police Office (DCPO) gumikan kay adunay pipila ka mga tawo ang nakighiusa sa ilang panawagan sama na lamang kadtong motabang ug badlong kung adunay mga tawo nga mosulay pagtangtang sa ilang facemask.
Gitataw ni Capt. Aguilar nga mahinungdanon ang pagsuot ang facemask gumikan kay gawas nga ma-protektahan ang kaugalingon, maka-protekta sab ngadto sa uban.
