DAVAO CITY – Gituohan sa kapolisan sa dakbayan sa Digos nga ang pagsukol sa usa ka alyas Maricel, 14 anyos ngadto sa iyang ama-ama Anthiony Kundiman, 46 anyos nga mitinguha sa paglugos kaniya ang nag-unang hinongdan nga gitigbas siya niini sa agtang ug tiyan nga bahin sa ilang balay sa Sitio Sto Niño, Tres de Mayo, Digos City.
Sumala sa mga silingan nga mga alas kwatro kaganinang kaadlawon nahigmata ang mga silingan sa singgit sa usa ka babaye nga nagkanayon nga ayaw kol, ayaw kol. Human sa maong singgit daw nahilum na ang palibot.
Sa dihang milusad ug imbestigasyon ang Digos City Police Station mao na lamang ang ilang naabtan ang patay nga lawas sa ama-ama nga kusinero sa usa ka kan-anan nga gika-ingon nga mitumar ug hilo nga pang-uma, ayha mihigot ug habol sa iyang liog ug gibitay ang kaugalingon.
Sumala pa kang SPO1 Landuca nga wala ma-intimano ang suspek sa hili hinongdan nga mitinguha pa sa pagbitay sa iyang kaugalingo.
Dugang pa ni SPO1 Landuga sa Digos City Police Station nga labihang isuga sa baho sa hilo sulod sa kwarto diin nakita ang patay nga lawas sa duha.
Kalakip sa mga nakuha sa mga sakop sa Scene of the Crime Operative (SOCO) mao ang sundang nga nagkadugo ug dunay buhok sa tawo nga posibling iya sa katorse anyos nga biktima.
Nasayran nga ang nahibilin lamang sa ilang balay kagabii mao ang katorse anyos nga dalagitan ug ang iyang 46 anyos nga ama-ama gumikan kay ang iyang inahan mikuha sa magulang sa biktima sa Midsayap, North Cotabato gumikan sa schedule sa hearing sa kasong karong adlawa alang sa kasong lugos sa unang kaipon sa inahan.
