Opisyal nang gi-deklara sa state weather bureau ang pagsugod sa Northeast Monsoon o Amihan season.
Nagpasabot kini sa pagsugod sa mas tugnaw nga panahon samtang nagkadool ang Pasko.
Sumala sa ahensya, misaka ang high-pressure area sa East Asia nga maoy hinungdan sa pagbuga sa tugnaw nga hangin gikan sa amihanang-sidlakan, ilabi na sa Extreme Northern Luzon.
Dungan niini, nabantayan usab ang labihang katugnaw sa klima ug pagsaka sa atmospheric pressure, mga timailhan sa pagsugod sa Amihan season.
Gilauman nga mas kusog pa ang mga pagbuga sa hangin nga bugnaw sa umaabot nga duha ka semana, nga mahimong hinungdan sa mga balod sa kadagatan sa Northern Luzon.
Sa mga mosunod nga adlaw, magdomina ang Amihan sa kadaghanan sa nasud, magdala kini og bugnaw nga hangin, uban sa kalit nga pagkabugnaw sa temperatura, ug posible usab nga makasinati og shear line ug dili maayung kahimtang sa kadagatan.
