DAVAO CITY – Gisugdan na karong adlawa ang pagsaulog sa Fire Prevention month pinaagi sa pagpahigayon ug programa ug motorcade latas sa tibuok dakbayan sa Dabaw.
Sa pakighinabi sa Bombo radyo, gikanayon ni senior fire officer Allan Dela Cruz sa Burueau of fire protection region eleven na sugod karong adlawa ahangtud sa katapusang adlaw sa Marso, puno ug mga aktibidad aron itudlo ngadto sa publiko ang mga pamaagi aron malikayan ang panghitabong sunog.
Mopahigayon sumala pa ang BFP ug mga symposium ug mga seminars sa nagkadaiyang barangay ug mga tulunghaan sa syudad aron tudluan ang matag usa nga makalikay sa sunog, sama na lamang sa dili pagbaton ug mga illegal ug octopus connections, likayan paggamit ug mga substabdard nga wires, appliances, gadgets ug daghanan pang uban.
Gi-angkon usab sa BFP nga adunay pipila ka mga establisamento apil na mga government buikdings ang nakalapas sa fire safety standards ug requirments sama na lamang sa city hall, City Engineers office, CSSDO ug uban pa nga wala magbaton ug mga signages paingon sa mga exit points.
