Gipahibalo sa Commission on Higher Education (CHED) nga dili una nila tugutan ang pagtaas sa matrikula kon tuition fees sa mga higher education institutions (HEIs) sa nasud taliwala sa kasamtangang krisis.
Sa usa ka press briefing kabahin sa mga bag-ong programa sa edukasyon.
Gibutyag sa Chairperson sa Commission on Higher Education (CHED) Shirley Agrupis nga daghang HEIs ang nangayo og pagtugot nga makapataas og tuition tungod sa misaka nga gasto sa operasyon.
Bisan paman niini, gihangyo sa CHED ang mga eskwelahan nga ipahunong una ang ilang plano sa tuition increase kay dili pa kini angay buhaton sa kasamtangang kahimtang sa ekonomiya.
Matud pa ni Agrupis, napahibalo na nila ang maong hangyo sa mga institusyon ug nasabtan usab kini sa kadaghanan sa mga eskwelahan.
Gipasalig usab sa CHED nga magpadayon ang ilang pakig-coordinate sa mga HEIs aron masulbad ang mga isyu kabahin sa matrikula ug masiguro nga dili kaayo maapektuhan ang mga estudyante.
