DAVAO CITY- Nabalaka ang pipila ka mga doktor ning atoang dakbayan gumikan sa padayong pagsaka sa ihap sa mga indibidwal nga natapdan sa maong sakot nga diabetes.
Gani gihatagan og gimbug-aton sa pipila ka mga doktor ning atoang dakbayan ang importansya sa pagmintinar sa saktong pagkaon kon proper diet, exercise ug kontrol sa pagkaon arun nga malikay sa sakit nga diabetes.
Sumala pa ni Dr. Marcus Albert P. Belen, Fellow- Endocrinoly, Department of Internal Medicine, SPMC nga nagkadaghan gayud ang igap sa mga indibidwal nga natapdan sa aakot nga diabetic dili lamang dinhi sa atoang siyudad kundi lakip na gayud sa kinatibuk-an ning atoang nasud Pilipinas.
Dugang pa niini nga mikabat na ngadto 90 ka mga pasyente ilahang maakomodar sulod lamang sa usa ka adlaw.
Dugang pa sa maong doktor nga kadaghanan sa maong mga pasyente naacquire lamang ang maong sakit gumikan sa lifestyle sa maong mga indibidwal.
Gipahinumduman usab niini nga ang sakit nga diabetes ang number 1 cause sa Chronic Kidney Disease Worldwide.
Busa angay gayud sumala nga batasanon ang paghatag og tagad sa kaugalingonf ginakaon lakip na ang pagmintinar sa ehersisyo sa kalawasan.
Dugang pa usab niini nga usa sa mga common symptoms sa diabetes mao ang kalit nga pagbawas og timbang, pag sigeg pangihi ug uban pa diin giklaro usab niini nga dili gayud reversible ang sakot nga diabetes gani prevention gayud ang angay nga unahon luyo sa tanan.
