DAVAO CITY – Gikabutyag sa Davao City Health Office nga namatikdan gihapon ang pagsaka sa mga kaso sa COVID 19 dinhi sa dakbayan.
Sumala ni CHO officer-in-charge Dr. Marjorie Culas, anaa sa 6 ngadto 11% ang gikatalang positivity rate nga matud pa taas sa 5% threshold nga gitagana sa World Health Organization.
Apan taliwala sa namatikdang pagsaka sa mga kaso ning panahuna, gipasalig sa opisyal nga wala nagbag-o ang Alert Level 1 status nga gipakanaog sa Inter-Agency Task Force kon IATF, ug bastante gihapon ang ihap sa mga isolation beds sa mga ospital sa dakbayan.
Gipasalig sab sa opisyal nga kontrolado gihapon sa kasamtangan ang maong sitwasyon sanglit nasa asymptomatic o mild cases lamang ang mga aktibong kaso.
Sumala pa sa DOH, as of April 26, nasa 269 ang mga COVID19 cases sa Davao City nga naglangkub sa 61.7 % sa kinatibuk-ang 436 ka mga kaso sa tibuok rehiyon.
via || Bombo LJF
