DAVAO CITY – Nagpadayag ug kabalaka si Davao City Mayor Inday Sara Duterte-Carpio nga mosaka pa ang ihap sa Covid-19 cases sa dakbayan sa Davao dungan sa pagdawat ug international repatriation flights.
Hinuon gikanayon sa Mayor nga kinahanglan nga ipatuman ang “bubble wrap” arrival process ingon man hugtanon nga health protocols ngadto sa mga pasahero.
Nasayran sa alkalde, nga ang arrival sa direct flight nga nagdala ug mga stranded Overseas Filipino Workers (OFWS) gikan sa Dubai, United Arab Emirates (UAE) ug Dhaka, Bangladesh ang bugtong international repatriation flights nga gidawat karon sa siyudad. Gitino sa opisyal nga mahinungdanon ang “bubble wrap” process gumikan kay alang lamang kini sa kaayohan sa tanan.
Gikanayong ang isolation sa OFWs sa mga hotels ang kinahanglan nga bayaran sa mga pasahero.
Makatabang sab kini sa mga hotels aron nga maka-income karong panahon sa pandemic ug aron hinay-hinay nga makabangon ang ekonomiya.
Aduna sba sumala pay gi-andam ang lokal nga kagamhanan nga area nga alang sa mga biyahedor nga nagpositibo sa Covid-19.
