DAVAO CITY – Gipalawman pa karon sa otoridad sa Davao Oriental ang ilang pagpanubay aron mga masayran kung si kinsa ang mipaluyo sa pagpusil patay sa usa lalaki kagahapon sa National Highway-Sorigao Diversion Road, Madang Brgy.Central Mati City Davao Oriental.
Diretso nahagba ang biktima nga nailang si Edgar Poderanan, hamtong ang pangidaron, Head sa Motorpool Mati ug residente sa Camansi, Brgy. Badas sa nahisgutan nga siyudad.
Sa imbestigasyon sa otoridad, bag-ohay lamang nahuman ug kaon ang biktima dihang kalit na lamang nga mibutho ang suspek nga naka-bonet ug gipusil kini sulod sa pipila ka higayon.
Narekober sa crime scene ang upat ka basiyo sa 45 Calibre na Pistula.
Gipalawman pa karon sa otoridad ang ilang imbestigasyon aron nga masayran kung si kinsa ang utok sa krimen ingon man ang motibo sa pagpatay sa biktima.
