Dismayado ang Brazil sa pagtratar sa Estados Unidos sa mga illegal immigrants niini partikular na sa mga Brazilian nga gipa-deport pabalik sa Brazil lakip na ang mga bata, nga nakaposas kuno.
Gisaway sa mga awtoridad ang gihimong pagtratar sa mga nahisgutan ug gitawag nga klarong pagsupak sa katungod sa ilahang katawhan.
Nahitabo kini homan nag-atubang ang Latin America sa bag-ong hulga sa pagbalik ni US President Donald Trump sa White House, nga adunay hugot nga palisiya sa halapad nga deportasyon sa mga illegal immigrants sa Estados Unidos.
Hugot usab nga gibabagan ni Brazil Justice Minister Ricardo Lewandowski ug Brazil President Luiz Inácio Lula da Silva, ang pagsupak sa mga nag-unang katungod sa mga Brazilian.
Apan, gikanayon sa US ang mga gipang-deport ang walay kalabutan sa bag-ong executive order ni Trump gumikan resulta lamang sumala pa kini sa usa ka bilateral nga kasabutan sa US ug Brazil kaniadtong 2017.
Gikatakda sumala pa ang flight padulong sa Belo Horizonte sa Brazil, apan napugos sa pag-agi sa Manaus gumikan sa nasinati-ang technical issues.
Sa gipagawas nga report sa Brazil federal police, adunay 88 ka mga Brazilian ang sakay sa nahisgutang eroplano, apan, sa report sa government of Amazonas state nga nahimutang ang Manaus, adunay sumala pa 79 ka mga pasahero ang eroplano ug 62 niini mga lalaki samtang, 11 usab mga babaye ug 6 mga bata.
Isip tubag, gimando ni Brazil President Lula ang pagpadala sa Brazilian Air Force aron maseguro nga makaabot nga luwas ug adunay dignidad ang mga na-deport nga Brazilian sa ilahang katapusang destinasyon.
Ang paghi-abot sa flight ang nahitabo dungan sa hugot nga lakang ni Trump batok sa mga illegal immigration, nga gilangkuban pa sa pagpadala ug dugang sundalo niini sa southern border sa Estados Unidos.
