DAVAO CITY- Sugdan na sa lokal nga kagamhanan karong Nobyembre 7 ang mandato nga paggamit sa “Safe Davao QR” System (DQR) sa mga residente ug dili mga residente. Ang Safe Davao QR usa ka platform nga gimugna sa lokal nga kagamhanan aron nga paspas ang ipahigayon nga contact tracing ug mapatuman ang mga prohibition sa non-essential travel.
Tanan nga mga residente ug non-residents sa dakbayan sa Davao kinahanglan nga mokuha sa ilang unique ug permanent DQR to travel dinhi sa siyudad. Sa mga plano nga mosulod sa siyudad kinahanglan sab nga mokuha ug DQR.
Gikanayong dinhi siyudad, gipaagi sa lokal nga kagamhanan ang pagpatuman pinaagi sa public advisory nga gi-post sa ilang official Facebook page diin gisugdan ang registration sa milabay nga adlaw pinaagi sa link nga https://safedavaoqr.davaoct.com.
Kinahanglan sab nga i-assist sa mga employers ang tanan nila nga mga workers nga dili kabalo mag-online o walay kaugalingon nga smartphone.
Una na sab nga mipahimangno si Mayor Inday Sara Duterte –Carpio sa publiko nga likayan ang pag-post o pag-share sa ilang personal QR code aron malikayan ang identity theft.
Samtang una ng gibutyag ni Retired Pol/Col. Simplicio Sagareno head sa Anti-Scam Unit nga nakatutok na sila karon sa mga nagapamaligya ug QR code ilabi na nga dili kalikayan nga adunay nagapahimulos niini.
