DAVAO CITY – Gumikan sa naghitak nga mga pekeng ID sa siyudad, misumite na ang Davao City Peace and Order Council ug resolusyon sa Office of the President aron magpatuman ug national ID card system.
Una ng gibutyag ni Mayor Sara Duterte-Carpio nga aron masiguro ang tinuon nga pagkatawo sa us aka indibidwal, angayan sumala pa nga momugna ug National Government ug ID nga dili dali nga mapeke.
Ang nahisgutan nga resolusyon gisumite sa Armed Forces of the Philippines ug Department of National Defense human ang gipahigayon nga “Oplan Bulabog,” sa mga indibidwal nga misulod dinhi sa dakbayan.
Una ng gibutyag ni Davao City Police Office Director Alexander Tagum nga anaa sa kapin 1,000 ka mga indibidwal ang nagpahimo ug peke nga mga IDs sa nagkadaiyang printing press sa siyudad.
Atol sa pagpatuman sa Martial Law sa Mindanao, nagpahigayon karon ug hugtanon nga inspeksiyon ug bio profiling ang mga otoridad batok sa mga gikatahapan nga tawo nga nalambigit sa local terrorist groups.
Kalakip sab sa nagpahigayon ug operasyon ang National Bureau of Investigation batok sa mga illegal nga aktibidad.
