Gisalikway sa Department of Health (DOH) ang mga isyu nga magpatuman sumala pa og lockdown sa nasud tungod sa sakit nga mpox.
Gibuhat sa ahensiya ang pagpaklaro taliwala sa nikuyananp nga mga bakak nga posts sa Facebook kabahin sa sumala pa lockdown tungod sa maong sakit.
Gipasabot ni Health spokesperson ASec. Albert Domingo nga dili kinahanglan mag-lockdown kay ang mpox dili man airborne o dili matakod pinaagi sa hangin sama sa COVID-19.
Matod sa opisyal sa DOH, mas daghan pa gihapon ang mga kaso sa mpox nga natala niadtong 2024 kung itandi karong tuiga. Mas daghan sab kuno ang natala niadtong buwan sa Abril kaysa karong Mayo 2025.
Giduolan sab ni ASec. Domingo ang kasamtangang mga kaso sa mpox sa aktibo nga pag-anunsyo sa mga lokal nga panggamhanan sa ilang mga lugar kabahin sa mga kaso nga ilang nadetect.
Samtang, gipasabot ni ASec. Domingo nga wala pa makasulod sa Pilipinas ang Clade 1B variant sa mpox, nga natala na sa ubang nasud.
Matod niya, kasagarang nadetect sa Pilipinas mao ang Clade II nga usa ka mild variant sa mpox, nga adunay ubos nga mortality rate — usa lang sa matag napulo ka matakdan ang mamatay. Kung ikompara sa Clade 1B, upat hangtod lima sa matag napulo ang mamatay.
Tungod niini, padayon nga nag-awhag ang DOH sa publiko nga sa opisyal lang nga Facebook page sa DOH mangayo og impormasyon kabahin sa kahimsog.
Sa pagkakaron, matod ni ASec. Domingo, aduna nay kinatibuk-an nga 911 ka kaso sa mpox sa Pilipinas sukad pa niadtong 2024.
Matod pa niya, niadtong Setyembre 2024, niabot sa 200 ang mpox cases lakip ang suspected ug probable cases, apan ubos ra sa 10 hangtod 20 ang kumpirmadong kaso sa mpox.
