DAVAO CITY – Naglusad og lihok protesta ang mga drayber ug operator nga sakop sa Transmission Piston Davao dungan sa paglusad og transport strike kagahapon, Disyembre 27.
Una nang gikanayon ni Larry Argilles, Presidente sa grupo nga anaa sa kapin 6,000 ka PUJ drivers ug operators sa dakbayan ang laumang misalmot sa maong hunong pasada.
Gihingusgan sa grupo nga dili andam ang daghanang mga drayber sa dakbayan alang sa ipanukad nga Davao City High Priority Bus System diin gikatalang anaa sa kwatro mil ka mga drayber ang apektado sa implementasyon sa maong programa.
Dungan sab sa gipanawagan ang pagka-expire sa mga prangkisa sa dyip sa Disyembre 31 kung mapakyas sila nga moagi sa mandatory franchise consolidation alang sa PUV modernization program sa nasudnong gobyerno.
Nahimong magmalampuson ang protesta nga gisalmutan sa dul-ang usa ka gatus nga militante.
via || Bombo LJF
