DAVAO CITY – Temporaryo unang gipahunong sa lokal nga kagamhanan ang pagpatuman sa Food and Medicine Pass (FM) kini subay sa gipagulang kamandoan kagahapong adlawa base sa EXECUTIVE ORDER NO. 12 Series of 2021.
Ang nahiunod sa nasampit nga bag-ong balaod kini ang pagpahunong sa pag implementar sa FM Pass isip pag presenta atol sa pagbyahe pasulod o pagawas sa syudad.
Bisan paman nga gihunong na kini, kinahanglan gihapon nga magbaton ang usa ka indibidwal og kaugalingong DQR Code diin mao kini ang gamitong rekisitos aron ipresenta.
Kahinumdoman nga sa milabay’ng bulan, gipatuman ang bag-ong FM Pass sa syudad diin aduna kini color coding isip timailhan kung asa nahisakop nga distrito ang usa ka indibidwal.
Kasamtangan, wala pa gibutyag sa kagamhanan kung kanus-a lang taman ang pagpatuman sa nasampit nga baload sa syudad.
Samtang una ng gi-awhag ni HRMO head Lemuel Ortonio nga kinahanglan padayon nga makapahigayon ug scanning sa DQR ang mga establisyemento aron nga mapadali pa gihapon ang contact tracing sa higayon nga adunay pasyente nga magpositibo sa virus.
