DAVAO CITY – Posibleng malangay ang pagpatuman sa P700-million expansion project sa Francisco Bangoy International Airport o Davao International Airport (DIA) gumikan sa nagpadayon karon nga pandemic nga nakaapekto sa timeline sa pagpatuman sa maong proyekto.
Sumala pa kan Civil Aviation Authority of the Philippines (Caap)-Davao airport manager Rex Obcena nga ang multi-million nga pondo alang sa pagpalambo sa DIA ang magpadayon apan posibleng dili pa kini mapatuman karong tuiga gumikan sa pipila ka mga factors.
Gibutyag sab sa nahisgutan nga gi-proseso pa karon sa Caap ang pagpangita ug engineering consultancy firm nga maka-disenyo sa maong proyekto.
Naglaom sila nga ipatuman ang bidding sayo sa 2021, sa higayon nga makapangita na sila ug consultancy firm.
Gikanayong ang kawad-on ug detailed engineering mao sumala pay nakapalangan sa konstruksiyon sa tugpahanan.
Kalakip sa proyekto ang pagpalapad pa sa passenger terminal building. Ang maong proyekto kinahanglan pa nga aprubahan sa Department of Transportation (DOTr) ug posibleng sugdan kini sa 2021 ug 2022.
