DAVAO CITY – Gipalawman pa karon sa otoridad ang ilang imbestigasyon aron nga masubay kung adunay kalambigitan sa investment scam ang pagpatay sa usa ka coodinator sa Gambaru sa Tagum City.
Nahitabo ang insidente sa Esmeralda, Apokon Tagum City diin gipamusil ang mga biktima samtang anaa sa ilang pagpanihapon.
Una ng naila ang mga biktima nga sila si Gilbert Payan, 44 anyos, minyo ug residente sa nahisgutan nga dapit nga nakutloan gilayon sa iyang kinabuhi ug asawa niini nga si Analiza nga samdan sa iyang bukton.
Gikanayong kalit nga gipamusil ang biktima sa wala mailhing suspetsado samtang anaa sa ilang pagpanihapon ug paspas kini nga misibat human ang krimen.
Narekober sa crime scene ang tulo ka mga basiyo sa bala sa kalibre .45 pistola. Dugang imbestigasyon ang gihimo sa otoridad aron nga masayran kung unsa pa ang laing motibo sa krimen.
