DAVAO CITY – Wala miuyon ang usa ka myembro sa sektor sa akademya ang pagpatanggal sa mga classroom decorations subay sa bag-uhay lamang nga gipagawas ni DepEd Secretary ug Vice President Sara Duterte.
Gikanayon ni Lourdes Mission, usa ka magtutudlo, atol sa pakighinabi sa Bombo Radyo Davao, angayng mahatagan og konsiderasyon ang tanang grade levels sa pagpatanggal sa mga dekorasyon sa klasrum alang sa pagtuon sa mga magtutungha.
Nagpasabot nga dili unta maapektuhan ang pagtuon sa gagmayng mga bata alang sa pagmugna ug mas conducive nga lugar sa pagtuon.
Gipunting sab sa magtutudlo nga makatabang ang mga educational posters alang sa mga magtutungha sa elementarya sanglit mumugna kini og “retention” alang sa mga bata.
Buot sab sa magtutudlo nga magbutang og achievement wall sulod sa mga klasrum alang sa dugang pang kadasig ug paningkamot sa mga estudyante nga mag-top sa klase.
Kahinumdumang giaprubar na ang DEPED Order 21 nga magpatanggal sa mga “unecessary classroom decorations” aron mapromotar ang kalimpyo sa mga klasrum alang sa mas pokus nga pagtuon sa mga estudyante.
Pipila lamang sa buot ipatanggal sa bungbong sa mga klasrum mao ang nawong sa mga bayani ug presidente sa nasud.
via || Bombo LJF
