Pagpataas sa taripa sa artificial sugars ginatun-an sa DA

Gipadayag sa Department of Agriculture (DA) nga ilahang ginatun-an ang posibleng pagpataas sa taripa sa artificial sugars isip dugang nga lakang aron mapalig-on ang demand alang sa lokal nga asukar.

Bag-ohay lamang, nakahukom ang DA nga palawigon ang ban sa sugar importation hangtod Disyembre 2026 aron mapanalipdan ang lokal nga mga mag-uuma ug ang industriya sa asukar.

Sumala sa DA, ang taas nga paggamit sa mga imported sweeteners sama sa high-fructose corn syrup adunay dakong epekto sa demand sa lokal nga tubo.

Ang posible nga pagtaas sa taripa gitan-aw isip usa ka paagi aron mapamenos ang pagsulod sa mga synthetic sweeteners sa merkado.