Atol sa panaad ni PBM nga pagsaka sa sweldo sa mga empleyado sa gobyerno, gihangyo usab sa grupo nga Trade Union Congress of the Philippines (TUCP) sa kasamtangang administrasyon nga asikasuhon usab ang pagsaka sa sweldo sa mga trabahante sa pribado nga sektor.
Gipunting sa pinakadakong labor center sa nasud nga ang pagsaka sa sweldo sa mga empleyado sa gobyerno ang kinahanglag pantayan sa pagsaka sa sweldo sa mga pribado nga empleyado nga matud pa long overdue na kaayo.
Sakto lamang matud pa kini alang sa mga trabahante sa pribado nga sektor ilabi pa kong ikonsidera ang kasamtangang nilang ginadawat nga sweldo gikan sa ilahang mga employer.
Sabay niini, nanawagan usab ang grupo sa pagpasa sa House Bill No. 7871 o mas naila isip Wage Recovery Act kong diin adunay across-the-board nga pagsaka sa sweldo nga hangtod sa P150 sa tanang mga trabahante.
Sumala sa grupo, bisan pa man nindot nga lakang ang pagsaka sa sweldo sa mga public employee, sakto usab na hatagan na sa gobyerno ang hangyo sa mga trabahante.
