DAVAO CITY – Buot ipasibaw sa usa ka opisyal sa National Commission for Muslim Filipinos-Davao Region ang pagpalapad sa kaalam sa katawhan mahitungod sa pagsul-ob og hijab sa mga babayeng Muslim.
Gikanayon ni Samer Musa Allong, commissioner sa NCMF-Davao Region, kinahanglang obserbahan sa matag kababayen-ang Muslim ang tradisyon sa pagsul-ob og tradisyonal nga hijab, ilabi na ang kasayuran sa mga tulunghaan ug trabahuan sa maong tradisyon isip kabahin sa ilang religious identity.
Ubay-ubay sab ka mga babayeng Muslim ang nidangop sa ahensya aron matabangan silang mapakaylap ang impormasyon.
Sanglit, mandato sab ang pagpasayod sa komisyon ilawom sa balaod sa nasud. Gipasalamatan sab ni Allong ang mga kumpanya ug tulunghaan nga naghatag og respeto ug pagtugot sa mga babayeng Muslim nga magsuot sa ilang hijab ilabi na sa panahon sa Ramadan.
Gipangandaman sab karon sa mga kaigsuonang Muslim ang pagtapos sa Ramadan karong Abril 20 nga timailhan sa pagpanukad sa pagsaulog sa Eid al-Fitr kon ang pagtapos sa bulan sa pag-puasa.
via || Bombo LJF
