DAVAO CITY – Sugdan na karong adlawa ang pagpa rehistro sa Quick Response Code (QR) sa probinsya sa Davao Oriental, diin mamahimo sumala pa nga magparehistro sa link nga ipost mismo sailang lehitimong Facebook Page nga PROVINCE OF DAVAO ORIENTAL.
Ang pag rehistro pinaagi online kini alang sa mga indibidwal nga wala nakakuha og manual QR Code registration nga gipanghatag sa mga residente sa lalawigan.
Gawas niini, mamahimo na sab matud pa nga magpa rehistro ang mga dili residente sa Davao Oriental. Kahinumdoman nga una ng gibutyag sa otoridad nga ang manual QR Code registration kini alang sa mga residente nga walay cellphone ug access sa internet connection.
Mikabat na sa 276,712 ang napanghatag na manual QR Code sa mga personahe sa Provincial Disaster Risk Reduction and Management Office (PDRRMO) sa mga residente.
Gikatakdang Ipatuman ang nahisgutan nga QR Code alang sa mga residente, non-residents ug mga establisyemento sugod karong Enero 18 aron mas mapadali ang contract tracing batok Covid-19 sa nasampit nga lalawigan.
