-- ADVERTISEMENT --
Giimbestigahan karon sa kapulisan ang usa ka pagpanglungkab sa iPhone store sa Briz Street, Tagum City, nga narekord sa CCTV sayo sa kabuntagon, Hunyo 24, 2026. Sa kuha sa CCTV, makita ang mga suspek nga misulod sa establisemento ug gituohang mikuha sa mga iPhone nga naka-display, lakip na ang kuwarta sa tindahan.
Sumala sa tag-iya, dako ang danyos sa nahitabong insidente ug nangayo siya og tabang sa publiko pinaagi sa paghatag og impormasyon nga makatultol sa pagkaila ug pagdakop sa mga responsable, kauban ang gisaad nga ₱100,000 cash nga reward. Padayon ang follow-up sa imbestigasyon sa mga awtoridad aron mailhan ang mga suspetsado ug matubag ang kaso.
