Anaa na matud pa sa 46 porsyento nga napatuman sa lokal nga panggamhanan ning dakbayan ang pagpanglimpiyo sa mga kadalanan kini subay sa gipagulang kamandoan ni Pangulong Rodrigo Duterte nga kinahanglan limpiyohan kini batok sa mga sidewalk vendors aron nga mapahimuslan kini sa publiko.
Una ng gibutyag ni City Transport and Traffic Management Office (CTTMO) head Dionesio Abude nga anaa na sa 19 ka mga kalsada ang ilang nalimpiyohan sa kasamtangan gikan sa 41 ka mga kadalanan sa dakbayang nga adunay nakababag o gi-okupa sa mga sidewalk vendors.
Gitataw ni Abude nga kadtong mga manindahay nga kanunay magbalik-balik ug paninda daplin sa kadalanan ang ilang irekomenda sa Business Bureau nga ipakansela ang ilang mga permit.
Dali sab sumala pa nila nga napatuman ang ilang mga lakang batok sa mga badlungon nga mga sidewalk vendors gumikan sa mipatigbabaw nga ordinansa ug balaod dinhi sa dakbayan.
