Gibarugan ni Justice Secretary Frederick Vida nga dili niya tan-awon nga “imposible” ang padayon nga pagpangita sa puganteng kanhi kongresista nga si Zaldy Co, nga giingong nalambigit sa kaso sa malversation sa binilyon nga pondo alang sa flood control projects.
Sa usa ka pahayag kagahapong adlawa {Domingo} human siya mitambong sa misa sa Church of Our Lady Victorious ug The Infant Jesus of Prague sa Czech Republic, gikanayon ni Vida nga padayon ang koordinasyon sa Pilipinas sa mga awtoridad sa Europa, lakip na ang pakigpulong sa Ministry of Justice sa Czech Republic.
Sumala sa DOJ chief, giapil niya sa iyang pag-ampo ang kalampusan sa ilang misyon ug ang padayon nga pagpangita ug posibleng pagpabalik kang Co sa Pilipinas.
Kahinumduman nga si Co mibiya sa nasud niadtong tunga-tunga sa 2025 alang sumala pa sa medical check-up apan wala na mibalik human malambigit sa giingong anomalosong flood control projects.
Kaniadto nagsilbing chair sa House Appropriations Committee ug giakusahan nga adunay kalabotan sa iregularidad sa pag-apruba sa pondo.
Una nang gikansela sa gobyerno ang iyang pasaporte human sa mga alegasyon gikan sa pipila ka contractor ug opisyal sa gobyerno.
