DAVAO CITY – Gibutyag ni Jeanette Laurel-Ampog, Executive Director sa Talikala-Davao nga suportado sumala pa sa ilang organisasyon, ang pagpanghatag og libreng contraceptives sa community pantries sa dakbayan sa Davao.
Gitino ni Ampog nga nanginahanglan matud pa ang katawhan og reproductive health commodities sama sa condoms, pills ug lubricants gawas sa pagkaon.
Nagatoo ang organisasyon nga dako kini og tabang aron mapaubos ang teenage pregnancies ug unplanned pregnancies sa mga hamtong o mga magtiayon.
Dugang niini, nga maayo sumala pa ang gibuhat nga dunay provision sa reproductive health services ingon man commodities aron matabangan ang mga tao.
Gawas niini, duna matud pa silay free supply alang sa mga tawo nga dili gusto mabuntis ug dili gusto magsakit.
Gitin-aw sab niini nga gumikan sa nasinata-ang pandemya karon, maglisod sumala pa nga muadangop sa health center ug ubang health facilities gumikan nga limitado ang lihok rason nga mas maayo ang nahimong lakang sa nagpasiugda sa contraceptives sa community pantries.
