DAVAO CITY – Luyo sa nasinatian nga krisis sa nasod nga hatud sa pagkuyanap sa Corona virus disease (Covid-19) padayon karon ang panawagan sa kagamhanan ngadto sa mga miyembro sa New People’s Army (NPA) nga mas maayong mobalik sa sabakan sa gobyerno gumikan kay nagpadayon sumala pa ang ihatag nga hinabang sa mga nahisgutan aron nga makasugod sa ilang bag-ong kinabuhi.
Kahinumduman nga anaa sa 67 ka mga kanhi miyembro sa New People’s Army (NPA) sa Davao de Oro ang nahatagan ug tabang pinansiyal sa kagamhanan ilalom sa Enhanced Comprehensive Local Integration Program (E-CLIP).
Gitambagan sa kasundalohan ang mga rebelde nga dakong butang ang pagtahan sa mga nahisgutan gumikan kay gawas nga mahatagan sila ug kahigayon nga magbag-o, mamahimong makauban na nila pagbalik ang ilang mga pamilya.
