DAVAO CITY – Daku ang pagtuo sa 10th ID Philippine Army nga nagkapuliki na ug panagang ang mga rebeldeng New People’s Army (NPA) sa nagpadayon nga military operation.
Sumala pa kang Captain Rhyan Bachar, tigpamaba sa 10th ID Philippine Army timailhan niini ang natigayon nga pagpangdagit nga nahitabo sa Macao, Compostela Valley Province.
Sa nahisgutan nga lungsod gika-ingon nga gidagit sa mga rebelde ang usa ka Jun-Jun Custodio ug anak nga si Marjun sa Barangay Malamodao. Si Custudio kanhi supporter sa NPA.
Sa Agusan del Sur nasayran nga gidagit sab sa mga rebelde ang Barangay Kapitan sa Barangay Salvacion uban ang asawa niini.
Nagtuo si Bachar nga tingali ug desperado ang mga NPA gumikan kay wala’y hunong ang combat operation sa kasundalohan.
