DAVAO CITY – Gikondena sa usa ka opisyal sa Davao Oriental provincial government ug military ang bag-ohay pa lamang nga pagpangatake nga gihimo sa komunistang New People’s Army’s (NPA) sa mga tropa sa kagamhanan ingon man sa mga sibilyan.
Sa usa ka pahayag, gikanayon ni Governor Nelson Dayanghirang nga ang gihimong atrocities sa komunistang grupo batok sa militar ug kapulisan ingon man sa mga sibilyan ang kinahanglan na nga mahunong.
Gitumbok ni Dayanghirang ang gihimong pagpangatake sa mga NPA sa mga hilit nga lugar sa Maragatas sa lungsod sa Lupon nga miresulta sa engkuwentro tali sa NPA ug tropa sa kagamhanan.
Hinuon gipasalig sa militar ug kapulisan nga magpadayon ang ilang paggukod sa mga rebelde aron masiguro ang kaluwasan ug proteksiyon sa katawhan.
Kahinumduman nga ang NPA ang kabahin sa listahan sa terrorist organization sa United Kingdom, European Union, United States, Canada, New Zealand, ug dinhi sa nasod Pilipinas.
