DAVAO CITY – Gihangyo sa usa ka konsehal sa dakbayan sa Davao ngadto sa Bureau of Fisheries and Aquatic Resources (BFAR) nga tugtan na ang mga mananagat sa pagpanagat kutob sa baynte kilometros gikan sa baybayon.
Atol sa sesyon sa konseho, gipahayag ni konsehal Conrado Baluran nga kinahanglan nga mo-abot ug baynte kilometros ang mamahimong sudlon sa mga mananagat aron nga modako ang ilang kita-on.
Apan pinasikad sa Republic Act 8550 kon Fisheries Code of the Philippines gilimitahan lamang sa baynte kilometros gikan sa baybayon ang itugot nga pagpanagat sa mga gagmay nga mga mananagat.
Hinoon sumala pa kang konsehal Baluran bisan kung dunay balaod labot sa pagpanagat, angayan pa gihapon nga sabton sa BFAR ang sientimento sa mga mananagat, labi na nga nagdepende niini ang supply sa isda alang sa mga konsumante.
