Gipasiugda ni Department of National Defense (DND) Secretary Gilberto Teodoro Jr. ang kaimportante sa pagpalit sa nasud og Airborne Warning and Control System (AWACS) aircraft isip dugang kusog sa depensa sa Pilipinas.
Matod ni Teodoro, dili igo nga naay mga multi-role fighter (MRF) aircraft ra ang nasud kung walay klaro nga suporta gikan sa kalidad nga radar surveillance ug command and control system nga mahimong ikatampo sa AWACS.
Kini nga klase sa aircraft adunay kusog nga radar ug sensor nga makadetect ug makatultol sa mga banta gikan sa kalangitan, missile, ug uban pang gamit pandigma, ug mahimo kining magsilbing “mata sa kahanginan” sa mga military commander alang sa mas paspas nga koordinasyon ug early warning system.
Sa pagkakaron, giingon ni Teodoro nga padayon na ang evaluation sa DND sa plano sa pagpalit og dugang nga mga aircraft, lakip na ang AWACS ug mga MRF.
Giangkon usab sa opisyal nga dako ang hagit dili lang sa procurement kundi sa pagsiguro nga operational ug epektibo kini nga mga kagamitan isip usa ka hugot nga military package alang sa nasud.
