DAVAO CITY – Nagtuo ang political analyst nga si Professor Ramon Beleno III nga “wrong timing” ang pagdugang og EDCA sites sa nasud. Kini alayon sa gipakusog nga Enhanced Defense Cooperation Agreement o EDCA tali sa Pilipinas ug Estados Unidos.
Kahinumdumang nagpadayon karon ang usa sa pinakadakong Baliktan exercise nga gisalmutan sa kapin 18 mil ka sundalong Amerikano ug Pilipino.
Pagpasabot pa ni Professor Beleno, bisan paman nga dakong tabang ang pagdugang og EDCA sites sa nasud gumikan mas mapadali na niini ang pagpa-abot og tanang sa mga maapektuhan sa kalamidad, pero “wrong timing” ang nasangpit nga lakang sanglit nagkainit karon ang banggaan sa China ug US sa Taiwan.
Dugang pa ni Beleno nga posibleng maipit ug mahimong battle ground ang nasud kung magpadayon ang banggaan sa duha ka dagkong nasud.
Gihulagway ni Professor Beleno ang sitwasyon sa Pilipinas sa pag ataki sa Russia sa Ukraine human nga gi pursue sa NATO nga mahimong myembro ang Ukraine.
Busa awhag sa Political Analyst nga mas labing maayo nga magpabiling neutral ang Pilipinas aron malikayan ang bisan unsa mang kagubot.
